PALESTRA “A RÍA DE FERROL, CLAVES PARA ENTENDER O PRESENTE E PENSAR O FUTURO»
PALESTRA “A RÍA DE FERROL, CLAVES PARA ENTENDER O PRESENTE E PENSAR O FUTURO»
Organizada por Muíño do Vento coa colaboración da AV Canido, a palestra celebrada o 26 de xuño no Centro Cívico canido, contou coa presenza de Guillermo Díaz Agras, xefe da estación de bioloxía mariña de A Graña, que é unha instalación da Universidade de Santiago de Compostela.
Presentado por Guillermo Castro, o acto xirou en torno á exposición por parte de Díaz Agras de 4 factores que contribuíron a que se chegasen a perder 3000 especies mariñas e a captura de ameixa baixase de 650 a 28 tn.
Os factores físicos os causan principalmente as grandes construccións como o mal chamado porto exterior ou a ponte de As Pías, que modifican o fluxo de augas e cambian a natureza do sedimento, pero tamén o feito de que a ría de Ferrol está urbanizada nun 90%. A contaminación química e biolóxica é o segundo factor e ten a súa orixe na actividade industrial e na insuficiente efectividade da depuración, esta contaminación causa o característico mal olor en A Malata ou San Valentín cando baixa a marea. O terceiro aspecto é a sobrepesca, causado por cofradías compostas por familias sen tradición pesqueira ou marisqueira e por tanto con visións curtopracistas da xestión dos recursos, E a cuarta cuestión é o cambio climático, que trae novas especies ou alonxa outras debido aps cambios na temperatura e salinidade das augas, ademais de interferir nos procesos biolóxicos.
Ante esta situación Díaz Agras propón accións como a captura e dispoñibilidade de datos, para poder tomar boas decisións (por exemplo para capturar o marisco nos periodos propicios), propòn a restauración de habitats quitando estruturas, a creación de reservas (a creación dun santuario de percebe espallaría larvas de percebe por esta e outras zonas), e, en todo caso, adaptar a economía á situación, buscando o beneficio ambiental e social, por exemplo explotando o cultivo de algas ou a ameixa xapónica.
O acto prolongouse cun interesante coloquio coa participación case completa das persoas que encheron a biblioteca do Centro Cívico, e onde saíron “á palestra” temas que darían para moito como as decisións políticas da Xunta de Galicia, a similitude con outras cuestións como a xestión forestal, a eólica mariña, as visións das cofradías, o contexto político aportado polo ex-alcalde Vicente Irisarri… en definitiva, moitos temas ao redor da idea de coidar as nosas augas “de proximidade”.
