Homenaxe a Alejandro Porto Leis: último alcalde republicano do Concello de Serantes

O día 17 de marzo tivo lugar unha homenaxe a Alejandro Porto Leis, último alcalde republicano do concello de Serantes.

Os actos consistiron nunha ofrenda floral no monólito colocado, na súa honra, diante do edificio que acollía a Casa do Concello, e a presentación -no local da Asociación de Veciños- do libro de Paulino Gasalla Aller Alejandro Porto Leis: Un alcalde para o pobo en tempos escuros. César Pita no nome de Muíño do Vento; o historiador Guillermo Llorca; Álvaro Montes, concelleiro do concello de Ferrol e Paulino Gasalla, autor do libro, participaron na mesa da presentación. Dúas fillas e outros familiares do homenaxeado estiveron presentes nesta xornada, onde tamén se rendeu tributo a Avelino Landeira Maneiros, Jesús Miño Lourido e Modesto del Río Polo, que pagaron coas súas vidas por intentar protexer ao amigo.

GALERIA DE FOTOS

Deja un comentario

Tu dirección de correo electrónico no será publicada. Los campos obligatorios están marcados con *