Obradoiro e clube de lectura «Nos páramos da Lúa» de Antón Cortizas

Os días 5, 6 e 7 de abril, o escritor Antón Cortizas dirixiu un obradoiro e clube de lectura sobre o libro da súa autoría Nos páramos da Lúa, dedicado ao biólogo ferrolán Xabier Sóñara, falecido no ano 1996.

Os participantes tiveron ocasión de esmiuzar os sentimentos e as imaxes que o autor quixo transmitir por medio da palabra, ademais de faceren as súas propias creacións. Antes de comezar o obradoiro, tivo lugar a sinatura de exemplares.

Nos páramos da Lúa, publicado pola nosa Asociación baixo o patrocinio do Concello de Ferrol, foi presentado polo autor como parte da homenaxe que a Sociedade Galega de Historia Natural dedicou a Xabier Sóñara o día 2 de abril.

GALERÍA DE FOTOS