O FADO: MITOS E RITOS / O FADO NAMORA

 

            Como actividade conxunta da Asociación veciñal, a SRD Canido e a ASC Muíño do Vento, foron dúas xornadas fermosas as que vivimos nos días 14 e 15 de febreiro. Da man de Paco Faraldo, ferrolán de nacemento, xixonés e lisboeta de vida. Deleitounos con dúas sesións de audicións explicadas do fado de Lisboa, baixo o título de O fado: mitos e ritos. Na primeira, celebrada o venres 14 no Centro Cívico, o protagonismo foi da magnífica Amália Rodrigues. Ao acabarmos a audición, deixamos que escoitase o bandullo e tivemos unha celebrada cea, na que infelizmente, non puideron asistir varias persoas por non haber sitio suficiente para tantos no local do Clube Canido, onde se celebrou. E como remate triunfal da mesma, o grupo  Abril Fado Atlántico (Laura Garrido, Daniel Azcemian e José Calabuig) deleitounos cun excelente concerto O fado namora co que sentimos um melódico abraço que nos levou de Ferrol até Lisboa no comboio da saudade.

            Na tarde do sábado 15, a segunda audición, abriunos de ouvidos para coñecermos un «bocadinho» a historia do fado, desde a Severa até os nosos días. Sentimos as  voces do Marceneiro,  Carlos do Carmo, Ana Mora, Mariza e Camané, entre outros, conducidas  e explicadas con mestría polo amigo Paco. 

            Gustariamos de que canto menos unha vez por ano no noso barrio puidésemos seguir gozando do fado, tan próximo como achegada é a lingua que o canta.

        

Porque… 

Perguntaste-me outro dia
se eu sabia o que era o fado.
Disse-te que não sabia.
Tu ficaste admirado
sem saber o que dizia.
Eu menti naquela hora,
disse-te que não sabia
mas vou-te dizer agora:
Almas vencidas,
noites perdidas,
sombras bizarras,
na Mouraria
canta um rufia,
choram guitarras.
Amor, ciúme,
cinzas e lume,
dor e pecado.
Tudo isto existe,
tudo isto é triste,
tudo isto é fado.
    GALERÍA DE FOTOS           

 

Deja un comentario

Tu dirección de correo electrónico no será publicada. Los campos obligatorios están marcados con *