Mostra escultórica de Manuel Ángel Méndez

Manuel Ángel Méndez Bellón (Narón, 1974) comezou a súa actividade escultórica no ano 1992. Realiza obras en ferro e mais en aceiro, que en ocasións combina con outros materiais como cemento ou madeira.

A súa obra foi seleccionada para participar en diversas exposicións e certames, tanto en Galicia como fóra dela: Certame «Galería Burela», Burela; «Artxove», Pontedeume; «Unha obra, unha mirada», Cerdido; «Novos creadores», Narón; «XVI Certamen Rosa del Azafrán», Ciudad Real; «XXIV Certamen de Artes Plásticas Miguel González Sandoval», Sevilla; «V Certamen Nacional TransformArte 2012», Sevilla; «Convocatoria de Escultura Colectivo La Salita», Gijón…

En 2003 obtivo un accésit no «XVII Certame Galego de Artes Plásticas Xuventude», convocado pola Consellería de Familia, Xuventude e Voluntariado, e en 2010 mereceu o primeiro premio, na categoría de escultura, no «XV Certame de Arte Galería Burela», convocado polo Concello de Burela a través da súa Delegación Municipal de Cultura.

Deja un comentario

Tu dirección de correo electrónico no será publicada. Los campos obligatorios están marcados con *